नवी दिल्ली: शुक्रवारी सोन्याच्या फ्युचर्स किमतीत घसरण झाली. मल्टी कमोडिटी एक्सचेंजवर (एमसीएक्स), फेब्रुवारी २०२३ मध्ये डिलिव्हरीसाठी असलेल्या सोन्याचा भाव ८३ रुपयांनी किंवा ०.१५ टक्क्यांनी घसरून ५३,८१० रुपये प्रति १० ग्रॅम होता. यापूर्वी मागील सत्रात फेब्रुवारीच्या करारासाठी सोन्याचा दर ५३,८९३ रुपये प्रति १० ग्रॅम होता. त्याचप्रमाणे एप्रिल २०२३ मध्ये डिलिव्हरीसाठी सोन्याचा भाव ६८ रुपयांनी किंवा ०.१३ टक्क्यांनी घसरून ५४,१८७ रुपये प्रति १० ग्रॅमवर होता. तर मागील सत्रात एप्रिल कॉन्ट्रॅक्ट सोन्याचा भाव ५४,२५५ रुपये प्रति १० ग्रॅम होता.


चांदीची फ्युचर्स किंमत

मल्टी कमोडिटी एक्सचेंजवर, मार्च २०२३ मध्ये डिलिव्हरीसाठीची चांदी ९ रुपये किंवा ०.०१ टक्क्यांनी घसरून ६५,४०० रुपये प्रति किलोवर व्यापार करत होती. मागील सत्रात मार्च करारासाठी सोन्याचा दर ६५,४०९ रुपये प्रति किलो होता. याशिवाय मे २०२३ मध्ये डिलिव्हरीसाठीच्या चांदीचा भाव २८ रुपये किंवा ०.०४ टक्क्यांनी वाढून ६६,२६१ रुपये प्रति किलो होता, जो मागील सत्रात ६६,२३३ रुपये प्रति किलो होता.