ढाका: न्यूझीलंडनंतर आता भारतीय क्रिकेट संघ सध्या बांगलादेशच्या दौऱ्यावर आहे. टीम इंडिया संपूर्ण डिसेंबर महिना बांगलादेश येथे असेल. इथे भारत आणि बांगलादेशमध्ये तीन सामन्यांची एकदिवसीय मालिका आणि दोन सामन्यांची कसोटी मालिका खेळवली जाणार आहे. या बांगलादेश दौऱ्यासाठी सिनियर खेळाडू संघात परतले आहेत. रोहित शर्माच्या नेतृत्त्वाखाली भारतीय संघ आगामी विश्वचषकाच्या तयारीसाठी उतरेल.

टीम इंडियाने न्यूझीलंडमध्ये शेवटची मालिका खेळली होती, ज्यामध्ये रोहित, विराट कोहलीसह काही स्टार खेळाडूंना विश्रांती देण्यात आली होती. आता हे सर्व खेळाडू बांगलादेश दौऱ्यावरून परतण्याच्या तयारीत आहेत. पण पुन्हा या सगळ्या खेळाडूंना आणि ही मालिका आपल्याला लाईव्ह पाहायची असेल तर स्टार किंवा डिस्नीवर ही मालिका पाहता येणार नाही.


वाचा: रमीझ राजा म्हणाले, 'कोणी माई का लाल शॉट मारू शकत नाही..'; विराटने सिक्स मारत

यावेळी भारत आणि बांगलादेश यांच्यातील मालिकेचे थेट प्रक्षेपण आणि थेट प्रसारण स्टार चॅनल किंवा डिस्नी हॉटस्टारवर होणार नाही. तसेच न्यूझीलंड दौऱ्याप्रमाणे ही मालिका अमेझॉन प्राईमवरही प्रसारित होणार आहे. भारत आणि बांगलादेश यांच्यातील ही एकदिवसीय आणि कसोटी मालिका चाहते कधी आणि कुठे पाहू शकतील पाहूया.

भारत आणि बांगलादेश यांच्यातील तीन एकदिवसीय सामने कधी खेळले जातील?

टीम इंडिया आणि बांगलादेश यांच्यातील एकदिवसीय मालिकेतील पहिला सामना २ डिसेंबरला, दुसरा एकदिवसीय सामना ७ डिसेंबरला आणि तिसरा सामना १० डिसेंबरला होणार आहे. सर्व सामने भारतीय वेळेनुसार सकाळी ११.३० वाजता खेळवले जातील. या सामन्यातील नाणेफेक सकाळी ११ वाजता होणार आहे.

हेही वाचा: पोलार्डनंतर CSKच्या या दिग्गज खेळाडूनं घेतली IPL मधून निवृत्ती, येत्या सीझनमध्ये नव्या भूमिकेत

ही भारत-बांगलादेश वनडे आणि कसोटी मालिका कोठे खेळवली जाईल?

भारतीय संघ सात वर्षानंतर बांगलादेश दौऱ्यावर पोहोचला आहे. यावेळी उभय संघांमधील मालिकेतील पहिले दोन एकदिवसीय सामने ढाका येथे तर शेवटचा सामना चितगाव येथे होणार आहे.

भारत-बांगलादेशचे सर्व सामने कुठे पाहू शकतो?

ही मालिका सोनी स्पोर्ट्सवर प्रसारित होत असल्याने सोनी स्पोर्ट्स टेनच्या वेगवेगळ्या चॅनेलवर थेट सामने पाहता येणार आहेत. लाइव्ह स्ट्रीमिंग सोनी लिव्हवर होईल. याशिवाय, या सामन्याशी संबंधित सर्व कव्हरेज महाराष्ट्र टाइम्स ऑनलाईनवर सतत होत आहे, तुम्हाला प्रत्येक माहिती इथे मिळेल.

वाचा: मुंबई इंडियन्स संघाबद्दल मोठी अपडेट, MI ला मिळाले दोन नवे कर्णधार

एकदिवसीय सामन्यात भारत-बांगलादेशचा विक्रम

भारतीय संघाने आतापर्यंत बांगलादेशविरुद्ध ४ द्विपक्षीय एकदिवसीय मालिका खेळली आहे. यावेळी दोन्ही संघांमध्ये ही पाचवी मालिका होणार आहे. या चार मालिकांपैकी भारतीय संघाने पहिल्या तीन मालिकांवर कब्जा केला आहे. जून २०१५ मध्ये खेळल्या गेलेल्या चौथ्या मालिकेत बांगलादेशने २-१ ने विजय मिळवला.

बांगलादेशने अद्याप भारतात द्विपक्षीय वनडे मालिका खेळलेली नाही. एकूण एकदिवसीय सामन्यांमध्येही भारतीय संघाचा दबदबा कायम आहे. दोन्ही संघांमध्ये आतापर्यंत एकूण ३६ एकदिवसीय सामने खेळले गेले आहेत, ज्यामध्ये भारतीय संघाने ३० सामने जिंकले आहेत आणि ५ पराभव पत्करले आहेत. एक सामना अनिर्णित राहिला.

वाचा: Live सामन्यामध्ये कॉमेंट्री करत असताना रिकी पॉन्टिंगला आली चक्कर, थेट रुग्णालयात केले दाखल

वनडे मालिकेसाठी भारतीय संघ

भारतीय संघ : रोहित शर्मा (कर्णधार), केएल राहुल (उपकर्णधार), शिखर धवन, विराट कोहली, रजत पाटीदार, श्रेयस अय्यर, राहुल त्रिपाठी, ऋषभ पंत (यष्टीरक्षक), इशान किशन (यष्टीरक्षक), शाहबाज अहमद, अक्षर पटेल, वॉशिंग्टन सुंदर, शार्दुल ठाकूर, मोहम्मद शमी, मोहम्मद सिराज, दीपक चहर आणि कुलदीप सेन.

बांगलादेशविरुद्धच्या कसोटी मालिकेसाठी भारतीय संघ

रोहित शर्मा (कर्णधार), केएल राहुल (उपकर्णधार), शुभमन गिल, चेतेश्वर पुजारा, विराट कोहली, श्रेयस अय्यर, ऋषभ पंत, केएस भरत, रविचंद्रन अश्विन, रवींद्र जडेजा, अक्षर पटेल, कुलदीप यादव, शार्दुल ठाकूर, मोहम्मद शमी, मोहम्मद सिराज, उमेश यादव.

वाचा: शतक, द्विशतक अन् थेट दिग्गज ब्रॅडमन यांच्याशी बरोबरी, एकाच सामन्यात ऑसी खेळाडूचा मोठा

भारत-बांगलादेश मालिकेचे वेळापत्रक

४ डिसेंबर, पहिला एकदिवसीय (ढाका) सकाळी ११.३० वाजता

७ डिसेंबर, दुसरी एकदिवसीय (ढाका) सकाळी ११.३० वाजता

१० डिसेंबर, तिसरा एकदिवसीय (चितगाव) सकाळी ११.३० वाजता

१४-१८ डिसेंबर, पहिली कसोटी (चितगाव)

२२-२६ डिसेंबर, दुसरी कसोटी (ढाका)