वाशिम : महाराष्ट्रातील शेतकऱ्यांकडून कमी कालावधीमध्ये चांगले पैसे मिळवून देणारे पीक म्हणून सोयाबीनची लागवड केली जाते. विदर्भ, मराठवाडा आणि पश्चिम महाराष्ट्र, उत्तर महाराष्ट्रात सोयाबीनचं उत्पादन शेतकऱ्यांकडून घेतलं जातं. सोयाबीनला गेल्या दोन वर्षांमध्ये मिळालेल्या दरामुळं शेतकऱ्यांनी विक्रीची पद्धत बदलली आहे. या आठवड्याच्या सुरुवातीला सोयाबीनचा दर काहीसा वाढला होता. नंतर सोयाबीनच्यादरात घसरण झाली होती. राज्यातील वाशिम जिल्ह्यात सोयाबीनचं मोठ्या प्रमाणावर उत्पादन घेतलं जातं. वाशिममध्ये आज सोयाबीनच्या दरात २५० रुपयांची वाढ झाली आहे.
वाशिम कृषी उत्पन्न बाजार समितीत सोयाबीनच्या दरात चढउतार सुरू आहेत. काल सोयाबीनचे दर कमी झाल्या नंतर आज दरात पुन्हा तेजी बघायला मिळली. आज सोयाबीनला ५८०० रुपये मिळाला तर ४१७९ क्विंटल आवक झाली होती. सलग तीन दिवस दरात घसरण झाल्यानंतर आज पुन्हा दरवाढ झाल्याने शेतकऱ्यांनी आनंद व्यक्त केला आहे.
शेतकऱ्यांना दरवाढीची प्रतीक्षा
करोना काळात आणि गेल्यावर्षी सोयाबीनचा दर ११ हजारापर्यंत गेल्यानं शेतकऱ्यांच्या अपेक्षा वाढल्या आहेत. शेतकऱ्यांनी दरवाढीसाठी मोठ्या प्रमाणात सोयाबीन बाजारात विक्रीसाठी आणलेले नाही. सोयाबीन उत्पादक शेतकरी दरवाढीची वाट पाहत आहेत. सोयाबीन उत्पादक शेतकऱ्यांनी एका क्विंटलला किमान ७ हजार रुपयांपेक्षा अधिक दर मिळावा, अशी अपेक्षा व्यक्त केली आहे. त्यामुळं आज जरी दरवाढ झाली असली तरी हे दर आणखी वाढायला हवेत अशी आशा शेतकऱ्यांना आहे.
कधी हॉटेलमध्ये होते वेटर, आज महिन्याला कोट्यवधींची कमाई; एक आयडिया आणि नशीबच पालटलं
वाशिम जिल्ह्यातील रिसोड, कारंजा, मंगरुळपिर या मुख्य बाजारपेठेतही सोयाबीनच्या दरात दीडशे ते दोनशे रुपयांची दरवाढ झाल्याचे चित्र बघायला मिळाले.
वाशिम बाजारसमितीतील बाजार भाव क्विंटलच्या प्रमाणात
तूर-६२०० ते ७३५०
उडीद-४५०० ते ५५००
मुंग-५५०० ते ६०५०
गहू -१९०० ते २७११
ज्वारी - १६०० ते २०००
लोकसभेसाठी काँग्रेसचा मेगा प्लॅन, 'राजस्थान मॉडेल' देशभर नेणार, भाजपला प्रत्युत्तर देणार
कापसाचे दर काय?
अकोला जिल्ह्यातील अकोट बाजार समिती आज बंद असली तरी कापूस खरेदी सुरु आहे. अकोटमध्ये कापसाची ८६०० रुपये क्विंटल प्रमाणं कापसाची खरेदी सुरु आहे.
0 टिप्पण्या